ONS UITGANGSPUNT
DIS ‘N ERVARING!
Ons by De Vette Mossel poog om veel meer te bied as bloot ‘n ete – dit is ‘n ervaring, in ongewone en informele omstandighede, waar jy saam met vriende (oues en nuutgevondes) gesellig saam verkeer, waar niemand jou aanjaag nie en waar jy soveel seekos eet as waarvoor jy lus is – net soos ons langs die Weskus maak.
DIE UITSTEKENDE VOORBEREIDING VAN TOP GEHALTE SEEKOS, IN OORVLOED, EN WAARDE VIR GELD, IS ONS ERNS.
SKINK ‘N KOFFETJIE
Met aankoms verwelkom ons jou met ‘n lekker beker boeretroos. Ons het ook ‘n kontantkroeg die bete Kaapse wyne en alle ander bekande drankies.
SPYSKAART
Eet soveel jy wil- of kan!
Ons spyskaart bestaan uit 7 gange (13 disse), van 16 disse wat na mekaar as ‘n rollende buffet voorgesit word. Van alles kan jy soveel eet as wat jy wil – of kan! En dan is daar nog garnale, kalamari en vangs van die dag addisioneel beskikbaar sou jy wou smul! Maar dis glad nie so maklik nie…
Feitlik al die disse word net daar, voor jou, op oop vure voorberei – dit waarborg van-die-rooster-af-vars seekos – soos dit hoort!
Wees rustig, ontspan – ons eet amper drie ure lank. En onthou, niks raak ooit op nie – die ergste wat kan gebeur is dat nog op pad is!
Maar asseblief, moet nie handgesnyde kristalglase of silwer eetware verwag nie! Ons is op die “strand” en doen soos ons langs die Weskus doen- hier eet ons met ‘n mosselskulp. As dit nie in jou smaak val nie, of jy reken die lewe skuld jou meer van die verfynde, gaan jy waarskynlik meer tuis voel in ‘n duur Franse Restaurant.
*Ten spyte van kos in oorvloed op ons spyskaart mors ons nie graag nie – alle kos wat oorbly word uitgedeel aan behoeftige gesinne in die omgewing.
wat die hele tyd net daar gebak word – met plaasbotter en konfyt. (Pasop vir hom – die lekkerte daarvan gaan jou verlei!), gebraai met uie, handevol knoffel en plaasbotter;
, met uie gestoom in wyn
– en soet-soetpatats – Weskus styl
kalamari-repe, mossels, en handevol skoongemaakte garnaalsterte;
Rys (vir die wat die sousies wil opvang);
Mengelslaai– (ons praat nie graag oor slaai nie);
Groentedis met melk en kaas. (tot Karoo-boere eet van hom)
(vir diegene wat nie eintlik seekos eet nie)
of Tropiese Vrugte(Gly in jou keel af)
– soet na die sout (Sorry! – we do not do tea)
Addisioneel:
– met uie en botter/olie – die sjef sal sê
– met uie gebak in botter (dis hoe hy eintlik moet smaak)
– Proe die see!
Slegs groen SASSI produkte word in die buffet gebruik.*
Spyskaart is onderhewig aan seisoene en beskikbaarheid.
* GARNALE word deur Sassi gelys as Oranje, (d.w.s “dink twee keer”). Ons gebruik slegs geboerde garnale vanaf ‘n volhoubare bron, wat heel bedien word en nie oopgevlek/skoongemaak is nie- die delikate geur van garnale is in die dop! Ons berei dit voor en eet dit soos ons langs die Weskus doen.
* WESKUS KREEF word gelys deur Sassi as Rooi, dus “Moenie koop nie”. Dit is nie deel van ons buffet nie en is addisioneel. Besluit dus self.
TROUES & FUNSKIES
Droom van ‘n troue op die strand, al is dit in die Vrystaat? Dit hoef nie ‘n droom te bly nie! Gesels met ons om jou troudag waarlik onvergeetlik te maak – jy is dit werd!
Ons Strand-seekosrestaurant is die perfekte “strand” trou venue, waar liefde, romanse, pret en drome saamkom om ‘n pragtige realiteit te word. By De Vette Mossel waarborg ons jou ‘n unieke strand-see omgewing teen onverbeterlike pryse. Kom hou kaalvoet troue op ons strand waar ‘n onvergeetlike seekos-buffet bedien word.
NB. Volg asb die skakel vir meer inligting en Vrae & Antwoorde oor ons troues.
FUNKSIES
De Vette Mossel leen hom uitstekend tot jaareind-, spanbou- en ander funksies. Ons kan maklik groot groepe hanteer- die Mossel sal maklik tot 260 gaste kan sit! Die atmosfeer is ook idillies vir verbeeldingryke temas – seerowers, “Beach Party”, Hawaii, “Fun on the Beach”, ens.
Belê in jou belangrikste bate – jou personeel. Hulle is dit werd!
WEER
Hoewel De Vette Mossel gedeeltelik ‘n opelug restaurant is, is alle sitplekke onder afdak en beskerm teen wind en reën. Verder kan die hele restaurant binne minute toegemaak word, sodat dit ten volle operasioneel is selfs in die geval van reën en sterk wind.
En as dit dalk reën – moet net nie kla nie. Dis Afrika en reën is altyd ‘n seëning.
Wie’s Ons? Waar het dit begin?
De Vette Mossel Parys is al vir meer as ‘n dekade die plek vir ‘n lekker kuier, en meer as 100 duisend mense het al hierdie unieke belewenis ervaar.
DE VETTE MOSSEL VISIE
Ons streef om:
‘n Onvergeetlike en tradisionele, eg Weskus-ervaring aan alle mense te bied in ‘n lekker, ontspanne en gesellige atmosfeer.
‘n Unieke belewenis, eerlike seekos in oorvloed, kwaliteit & waarde vir geld te bied.
‘n Positiewe verskil te maak in die lewens van ons werkers en in die gemeenskap waarin ons bedien.
Uitnemendheid en passie na te streef in alles wat ons doen.
AGTER WATTER DUIN?
Ry deur Parys op die R59 na Vredefort. Net buite Parys, draai links by die eerste grondpad (jy sal ons bord daar sien). Volg hierdie grondpad vir 1.2km en jy sal jouself in ‘n stukkie seeparadys bevind.
De Vette Mossel @ Parys is op 9 Pistorius Rust Kleinhoewes, Parys. Tussen disse baljaar die jongklomp- en jonk van gees- op ons “seestrand” of gaan maak lyf nat in ons eie “see”- ‘n lekker plaas swemdam!
Gallery
Disse
Gange
venues
Pryse & Kontak ons
Bel of WhatsApp
071 049 0672
De Vette Mossel @ Parys is heeljaar oop!
Elke Saterdag en Sondag middag.
De Vette Mossel bied twee eetsessies per dag aan:
Saterdag middag: 12:00 – 17:00
Sondag middag: 12:00 – 17:00
Funksies met meer as 25 mense: Enige dag!
Skoolvakansies: elke dag
Bespreek Nou
R350
Per Volwassene
R270
Per Pensionaris
R180
Per Laerskoolkind
R0
Voorskools
R280 addisioneel vir ‘n heel Weskuskreef of R250 vir 800g garnale,
R75 vir 170g Kalamari steak,
S.Q. vir Vangs van die Dag
R100 kurkfooi per koeler
Tariewe is onderhewig aan veranderinge – een keer ‘n jaar op 1 Desember.
(NEEM KENNIS ASB: Goed toegeruste kontantkroeg is beskikbaar! Ons het krediet/debietkaart-geriewe).
Besprekings is noodsaaklik. Eerstens om u teleurstelling te spaar en tweedens om ons in staat te stel om behoorlik vir u voor te berei.
De Vette Mossel behou die reg voor om te kanselleer indien die minimum aantal gaste nie bereik word nie.
of skakel ons op 071 049 0672
Wat ons Kliënte sê
Langs die Walvisse
HERMANUS
Langs Die Dam
HARTIES, HARTBEESPOORTDAM
Op Die See
GROOTBRAK